Urdu ghazal by Hilal Amrohvi | Urdu poetry
اردو غزلیات"تعمیر نو کے واسطے گھر دو میں بٹ گیا "ہلال عباس
Ghazal by Hilal Abbas
غزل
تعمیر نو کے واسطے گھر دو میں بٹ گیا
میں تیسرا تھا اس لیے رستے سے ہٹ گیا
آنگن میں ایک پیڑ تھا جب وہ بھی کٹ گیا
میں اپنے بوڑھے باپ سے جاکر لپٹ گیا
مجھ کو دکھا دیا گیا باہر کا راستہ
گھر کا جو مسُلہ تھا وہ گھر میں نمٹ گیا
اپنے وجود سے کبھی باہر نا آسکا
بکھرا جو میں تو اپنے ہی اندر سمٹ گیا
اس کی بلندیوں پہ نظر جب کبھی گئ
احساس یہ ہوا ہے کہ قد میرا گہٹ گیا
ترکِ تعلقات کو آساں نا جانیے
دامن چھڑا لیا تو گرِیبان پھٹ گیا
کل شام میری آنکھوں نے دیکھا کچھ اور تھا
اخبار صبح آیا تو منظر پلٹ گیا
شیشہ تراشنے کا ہنر آ گیا مجھے
یہ اور بات ہے کہ میرا ھاتھ کٹ گیا
ہلال عباس
We hope you like our Urdu Ghazal by Hilal Abbas. Share Urdu poetry with your friends and family on whatsapp status and Facebook post...
کوئی تبصرے نہیں